მომსახურების პირობები

1.1. AIsaqme (aisaqme.io) არის შპს გუდსვან-ის (საიდენტიფიკაციო კოდი 402318586; მისამართი: თბილისი, საქართველო; ელფოსტა: info@aisaqme.io) ონლაინ სერვისი (შემდგომში — „AIsaqme“ ან „ჩვენ“).

1.2. ეს პირობები არის ხელშეკრულება AIsaqme-სა და იმ პირს შორის, რომელიც AIsaqme-ში რეგისტრირდება ან მას იყენებს (შემდგომში — „კლიენტი“). რეგისტრაციისას თანხმობის მონიშვნით კლიენტი ადასტურებს, რომ გაეცნო პირობებს და ეთანხმება მათ.

1.3. ვინც კლიენტს კომპანიის სახელით არეგისტრირებს, ადასტურებს, რომ ამის უფლება აქვს.

2.1. AIsaqme არის პროგრამული სერვისი მცირე დამსაქმებლებისა და ინდივიდუალური მეწარმეებისთვის: თანამშრომლების აღრიცხვა, შრომითი დოკუმენტების შაბლონები, ტაბელი, ხელფასისა და გადასახადების გაანგარიშება, ვადების შეხსენება, მცირე ბიზნესის დეკლარაციის პროექტი და AI მრჩეველი.

2.2. AIsaqme არ არის იურიდიული, საბუღალტრო ან საგადასახადო კონსულტანტი. გაანგარიშებები, შაბლონები და AI-ის პასუხები საინფორმაციოა; მნიშვნელოვანი გადაწყვეტილების წინ კლიენტი მათ ამოწმებს ან კონსულტანტთან აზუსტებს.

2.3. შაბლონი, რომელსაც არ აქვს ნიშანი „შემოწმებულია იურისტის მიერ“, სამუშაო ვერსიაა — ხელმოწერამდე კლიენტი მას გადახედავს.

2.4. დეკლარაციის პროექტს და გადასახადების თანხებს AIsaqme ამზადებს კლიენტის მიერ შეყვანილი ან ატვირთული მონაცემებით. დეკლარაციის, გადახდისა და სხვა ანგარიშგების სისწორეზე და დროულობაზე პასუხისმგებელია კლიენტი, როგორც გადასახადის გადამხდელი. AIsaqme არ აგებს პასუხს შედეგზე, რომელიც კლიენტის მიერ მიწოდებულმა არასწორმა ან არასრულმა მონაცემმა გამოიწვია.

2.5. RS.ge-თან დაკავშირებისას კლიენტი AIsaqme-ს აძლევს უფლებას, მისი სახელით შეასრულოს მხოლოდ ის მოქმედება, რომელსაც კლიენტი ირჩევს და ადასტურებს (მაგ. თანამშრომლის რეგისტრაცია). დეკლარაციას RS.ge-ზე AIsaqme კლიენტის სახელით არ აგზავნის, გარდა იმ შემთხვევისა, როცა კლიენტი ამას ცალკე მოითხოვს და დაადასტურებს.

3.1. კლიენტი უთითებს სწორ მონაცემებს და იცავს პაროლს. ანგარიშიდან შესრულებული მოქმედება კლიენტის მოქმედებად ითვლება.

3.2. უნებართვო შესვლის ეჭვისას კლიენტი დაუყოვნებლივ გვწერს info@aisaqme.io-ზე.

3.3. აკრძალულია: სხვისი მონაცემების შეყვანა უფლების გარეშე, უსაფრთხოების გვერდის ავლის მცდელობა და სერვისის კანონსაწინააღმდეგო მიზნით გამოყენება.

4.1. ტარიფები და ფასები მითითებულია aisaqme.io-ზე, ლარში, ყველა გადასახადის ჩათვლით. გადახდა ხდება ბარათით, საქართველოს ბანკის გადახდის გვერდზე; ბარათის მონაცემები AIsaqme-ს არ გადაეცემა და არ ინახება.

4.2. გამოწერა თვიური ან წლიურია. წვდომა ჩაირთვება გადახდის დადასტურებისთანავე.

4.3. პერიოდის ბოლოს გამოწერა გრძელდება ახალი გადახდით. თუ ბარათი შენახულია ავტომატური გადახდისთვის, თანხა ჩამოიჭრება ავტომატურად, სანამ კლიენტი გამოწერას არ გააუქმებს.

4.4. ფასის ცვლილება მოქმედებს მომდევნო გადახდის პერიოდიდან; კლიენტს ვატყობინებთ ელფოსტით არანაკლებ 14 დღით ადრე.

4.5. უფრო დიდ ტარიფზე გადასვლა მოქმედებს მაშინვე, დარჩენილი დღეების პროპორციული დამატებითი გადახდით; უფრო პატარაზე — მიმდინარე პერიოდის ბოლოს.

4.6. AI მოთხოვნების რაოდენობა ტარიფის მიხედვით შეზღუდულია; ლიმიტის ამოწურვისას დანარჩენი ფუნქციები მუშაობს.

5.1. კლიენტს გამოწერის გაუქმება ნებისმიერ დროს შეუძლია: „ანგარიში და ტარიფი“ → „გამოწერის გაუქმება“. გადახდილი პერიოდი ბოლომდე მოქმედებს; შემდეგ ანგარიში გადადის ნახვის რეჟიმში და მონაცემები არ იშლება.

5.2. პირველი გადახდიდან 14 დღის განმავლობაში კლიენტს შეუძლია მოითხოვოს თანხის სრულად დაბრუნება info@aisaqme.io-ზე, მიზეზის მითითების გარეშე.

5.3. სხვა შემთხვევაში გადახდილი თანხა არ ბრუნდება, გარდა ტექნიკური შეცდომით ორმაგი ან არასწორი ჩამოჭრისა და კანონით გათვალისწინებული შემთხვევებისა.

5.4. თანხა ბრუნდება იმავე ბარათზე, საქართველოს ბანკის გავლით, ბანკის მიერ დადგენილ ვადაში.

6.1. კლიენტის მიერ შეყვანილი მონაცემები ეკუთვნის კლიენტს.

6.2. თანამშრომლების პერსონალურ მონაცემებთან მიმართებით კლიენტი არის დამუშავებისთვის პასუხისმგებელი პირი, ხოლო AIsaqme — დამუშავებაზე უფლებამოსილი პირი, „პერსონალურ მონაცემთა დაცვის შესახებ“ საქართველოს კანონის მიხედვით. ეს მუხლი და მე-7 მუხლი მხარეთა შეთანხმებაა მონაცემთა დამუშავების შესახებ.

6.3. კლიენტი უზრუნველყოფს, რომ თანამშრომლების მონაცემებს კანონიერად ამუშავებს და თანამშრომლებს დამუშავების შესახებ აცნობს.

6.4. სხვა მონაცემებს AIsaqme ამუშავებს კონფიდენციალურობის პოლიტიკის მიხედვით.

7.1. AIsaqme:

ა) თანამშრომლების მონაცემებს ამუშავებს მხოლოდ მომსახურების გასაწევად და კლიენტის მითითებით;

ბ) წვდომას აძლევს მხოლოდ იმ პირებს, ვისაც ეს სამუშაოსთვის სჭირდება და ვისაც კონფიდენციალურობის ვალდებულება აქვს;

გ) იყენებს ტექნიკურ და ორგანიზაციულ ზომებს: დაშიფრული კავშირი, წვდომის კონტროლი, კომპანიების მონაცემების ერთმანეთისგან გამიჯვნა, ყოველდღიური სარეზერვო ასლი;

დ) AI-ს არ უგზავნის თანამშრომლების სახელებს, პირად ნომრებს და საკონტაქტო მონაცემებს — AI-სთვის თანამშრომლები კოდებით არიან აღნიშნული;

ე) მესამე მხარის სერვისებს (ჰოსტინგი, გადახდა, AI, ელფოსტა, შეტყობინებები) იყენებს მხოლოდ მომსახურების გასაწევად; მათი სია კონფიდენციალურობის პოლიტიკაშია;

ვ) მონაცემების უსაფრთხოების ინციდენტის შესახებ კლიენტს ატყობინებს გაუმართლებელი დაყოვნების გარეშე;

ზ) ეხმარება კლიენტს მონაცემთა სუბიექტების მოთხოვნებზე პასუხში;

თ) მომსახურების დასრულებისას, კლიენტის მოთხოვნით, აძლევს მონაცემების ასლს ან შლის მათ, თუ კანონი შენახვას არ მოითხოვს.

8.1. ვცდილობთ, AIsaqme მუდმივად ხელმისაწვდომი იყოს, მაგრამ შეუფერხებელ მუშაობას ვერ ვიძლევით გარანტიას (ტექნიკური სამუშაოები, მესამე მხარის სერვისების შეფერხება).

8.2. სერვისს ვავითარებთ და ვცვლით. არსებითი ფუნქციის მოხსნას კლიენტს წინასწარ ვატყობინებთ.

9.1. AIsaqme არ აგებს პასუხს არაპირდაპირ ზიანზე (მაგ. მიუღებელი შემოსავალი, საქმიანობის შეფერხება) და ზიანზე, რომელიც გამოიწვია კლიენტის მიერ მიწოდებულმა მონაცემმა, კლიენტის მიერ დადასტურებულმა მოქმედებამ ან მესამე მხარის (მაგ. RS.ge, ბანკი, Google) სერვისის შეფერხებამ.

9.2. AIsaqme-ს ჯამური პასუხისმგებლობა შემოიფარგლება თანხით, რომელიც კლიენტმა AIsaqme-ს გადაუხადა ზიანის გამომწვევ მოვლენამდე ბოლო 12 თვის განმავლობაში.

9.3. ეს შეზღუდვა არ ვრცელდება განზრახ ან უხეში გაუფრთხილებლობით მიყენებულ ზიანზე.

10.1. კლიენტს ანგარიშის წაშლა ნებისმიერ დროს შეუძლია: „ანგარიში და ტარიფი“ → „ანგარიშის წაშლა“. წაშლამდე მას შეუძლია მონაცემების ჩამოტვირთვა.

10.2. წაშლის მოთხოვნიდან 30 დღის შემდეგ მონაცემები სამუდამოდ იშლება; სარეზერვო ასლებიდან — მათი შენახვის ვადის გასვლისას.

10.3. AIsaqme-ს შეუძლია შეაჩეროს ან დახუროს ანგარიში ამ პირობების არსებითი დარღვევისას, წინასწარი გაფრთხილებით, გარდა გადაუდებელი შემთხვევისა (მაგ. უსაფრთხოების საფრთხე).

11.1. პირობების არსებით ცვლილებას კლიენტს ვატყობინებთ ელფოსტით არანაკლებ 14 დღით ადრე. თუ კლიენტი არ ეთანხმება, შეუძლია გამოწერა გააუქმოს. ცვლილების ძალაში შესვლის შემდეგ სერვისის გამოყენება თანხმობად ითვლება.

12.1. პირობებზე ვრცელდება საქართველოს კანონმდებლობა. დავა წყდება მოლაპარაკებით, შეუთანხმებლობისას — თბილისის საქალაქო სასამართლოში.

12.2. თუ რომელიმე დებულება ბათილია, დანარჩენი ძალაში რჩება.

12.3. კონტაქტი: info@aisaqme.io და საკონტაქტო ფორმა aisaqme.io-ზე.